Select Page
Kliem sempliċi u sinifikanti li qiegħed fil-ponta tal-estinzjoni

Kliem sempliċi u sinifikanti li qiegħed fil-ponta tal-estinzjoni

Minn mindu konna żgħar il-ġenituri u l-għalliema tagħna dejjem għallmuna li l-manjieri huma parti essenzjali fil-ħajja tagħna.

Dwar dan tkellem il-psikologu Nicholas Briffa, fuq il-paġna ta’ Facebook tiegħu, fejn b’mod sempliċi spjega kemm hemm bżonn li nkomplu nużaw il-kliem bħal “grazzi”, “jekk jogħġbok”, “skużani” u titlob permess, fis-socjetà tal-lum.

Huwa fakkar lin-nies meta għandek tużahom dawn il-kliem, għax l-istess manjieri donnhom qed jintesew.

Agħmel ħiltek kollha li tgħid GRAZZI meta tirċievi xi ħaġa, u JEKK JOGĦĠBOK meta trid tistaqsi xi ħaġa. Tinsiex meta tidħol fid-dar ta’ xi ħadd titlob PERMESS, filwaqt li jekk tkun żbaljat dejjem SKUŻA ruħek.

Ejjew ngħiduha kif inhi, dawn il-kliem huma sempliċi ħafna biex tgħidhom; mela agħmel ħiltek kollha u poġġihom fil-prattika! B’hekk inkunu nistgħu ngħixu f’ambjent edukat u ġentili.

Julia Farrugia: Tgħajjir lill-persuni b’diżabilità reat kriminali. Taqbel?

Julia Farrugia: Tgħajjir lill-persuni b’diżabilità reat kriminali. Taqbel?

Ilbieraħ, f’diskussjoni miftuħa organizzata mit-Taqsima tar-Responsabbiltà Soċjali fil-Futbol tal-Assoċjazzjoni Maltija tal-Futbol, l-MFA, fejn fiha ħadu sehem 20 stakeholder minn setturi differenti, il-Ministru għall-Inklużjoni u l-Kwalità tal-Ħajja, Julia Farrugia Portelli ħabbret li tgħajjir lill-persuni b’diżabilità se jibda jitqies bħala reat kriminali.

Fid-diskors tagħha l-Ministru Farrugia Portelli enfasizzat fuq il-bżonn li nkunu kuraġġużi u ma nibżgħux nieħdu d-deċiżjonijiet sabiex soċjetà tara riżultati fl-inklużjoni. Għaldaqstant qalet li d-drittijiet ta’ persuna b’diżabilità jeħtieġ li jitħarsu għal meta xi ħadd jasal sal-punt li jirredikolaha, jheddidha jew saħansitra jqiegħdilha ħajjitha fil-periklu.

Fuq il-midja soċjali kien hemm reazzjonijiet differenti għal dan li ħabbret il-Ministru. Bosta esprimew l-opinjoni tagħhom, dik li assolutament jaqblu ma’ din id-deċiżjoni filwaqt li oħrajn ħassew li deċiżjoni bħal din ma tirrapreżentax l-inklużjoni iżda tkompli tpoġġi l-persuni msemmija f’kategorija differenti minn dik tal-kumplament tas-soċjetà.

Filmat: Maratona Ġbir ta’ Fondi b’risq Caritas Malta – Maratona ta’ Mħabba – Nhar is-Sibt 14 ta’ Novembru

Filmat: Maratona Ġbir ta’ Fondi b’risq Caritas Malta – Maratona ta’ Mħabba – Nhar is-Sibt 14 ta’ Novembru

Caritas Malta ilha għal dawn l-aħħar 50 sena sservi lis-soċjetà bis-servizzi tagħha kollha bla ħlas.

Caritas Malta tgħin lil dawk il-persuni li fis-socjetà tagħna għandhom bżonnijiet partikolari u dejjem viċin dawk l-aktar vulnerabbli. Dan tagħmlu permezz ta’ professjonisti fil-qasam tal-ħidma soċjali permezz ta’ counselling, interventi fuq il-postijiet tax-xogħol, gruppi ta’ sapport terapewtiċi, Community outreach u servizzi kontra l-abbuż tad-droga permezz ta’ ċentri ta’ riabilitazzjoni. Caritas Malta kienet il-pijuniera li madwar 35 sena ilu bdiet b’dawn is-servizzi għal min jabbuża mis-sustanzi grazzi għall-viżjoni li kellu dak iż-żmien id-Direttur Monsinjur Victor Grech.

Nhar is-Sibt 14 ta’ Novembru, Caritas Malta se tkun qed torganizza Maratona ta’ Mħabba, maratona ta’ ġbir ta’ fondi li l-entità tant għandha bżonn biex tkompli tevolvi is-servizzi tagħha, liema servizzi jingħataw kollha bla ħlas.

Din il-maratona se tixxandar fuq l-istazzjonijiet kollha bejn nofsinhar u nofsillejl fuq l-istazzjonijiet viżivi kollha fejn minbarra li se jsiru appelli tal-ġbir, se jingħata wkoll għajnuna lil dawk li jċemplu li għandhom bżonn min jgħinhom.

Għal iktar informazzjoni wieħed imħeġġeġ li jċempel fuq 21331000

In-numri tad-donazzjonijiet huma:

51002035            -              €20

51902089            -              €50

Pledge Line – 21331000

How to Share With Just Friends

How to share with just friends.

Posted by Facebook on Friday, December 5, 2014
Enable Notifications OK No thanks