Eks ġeneral fl-armata Afgana jgħid li hu u ħafna eks suldati u politiċi oħra qed iħejju biex jibdew gwerra ġdida kontra t-Taliban.
Lt Ġen Sami Sadat qal li tmien xhur taħt it-tmexxija tat-Talibani kkonvinċew lil ħafna Afgani li azzjoni militari hija l-unika triq ‘il quddiem.
Huwa qal li l-operazzjonijiet jistgħu jibdew ix-xahar id-dieħel wara l-festival Iżlamiku tal-Eid, meta qed jippjana li jirritorna l-Afganistan.
It-Talibani ħadu l-kontroll tal-pajjiż f’Awwissu li għadda.
Waqt li tkellem għall-ewwel darba dwar il-pjanijiet, Sadat qal lill-BBC li hu u oħrajn se jagħmlu dak kollu li jistgħu biex jiżguraw li l-Afganistan jinħeles mit-Talibani u s-sistema demokratika terġa’ tiġi stabbilita.
Il-ġeneral enfasizza kif it-Talibani kienu qed jerġgħu jintroduċu regoli dejjem aktar ħorox inklużi restrizzjonijiet severi fuq id-drittijiet tan-nisa u l-bniet, u skont hu wasal iż-żmien li jwaqqfu l-ordni awtoritarju tagħhom u jibdew kapitlu ġdid.
Huwa qal li fi tmien xhur taħt it-tmexxija tat-Talibani ma kien hemm xejn ħlief aktar restrizzjonijiet reliġjużi, kwotazzjoni ħażina, interpretazzjoni ħażina u użu ħażin tal-iskripts mill-Koran Imqaddes għal skopijiet politiċi.
Inizjalment, huwa qal li ppjana li jagħti lit-Taliban 12-il xahar biex jara jekk kinux se jinbidlu iżda sfortunatament komplew bit-torturi, qtil, għajbien, nuqqas ta’ ikel, malnutrizzjoni tat-tfal.
Qal li kuljum irċieva mijiet ta’ messaġġi mingħand Afgani jistaqsuh x’kien se jagħmel dwar dan.
Mistoqsi jekk kienx hemm xi alternattiva għal gwerra oħra, Sadat qal li jittama li t-Talibani moderati, magħrufa li huma skomdi b’sensiela dejjem tikber ta’ restrizzjonijiet li jfakkru fil-ħakma drakonjana tat-Talibani fl-1990, jistgħu jkunu parti minn gvern ġdid.
“Aħna m’aħniex kontra t-Taliban,” qal, biss kontra l-istil ta’ tmexxija attwali tagħhom. Żied jgħid l-Afganistan għandu jkun pajjiż fejn kulħadd jista’ jgħix b’mod liberu fih u mhux pajjiż għat-Talibani biss.
Li jkollok ħbieb iżżid is-sens ta’ appartenenza u tgħin biex tevita s-solitudni għal kull individwu. Madankollu, fil-kuntest tal-vittimizzazzjoni tal-kriminalità, il-ħbiberija spiss intużat bħala għodda biex jiġu sfruttati jew manipulati persuni b’diżabilità.
It-terminu “mate crime” jirreferi għal azzjoni faħxija mwettqa lejn persuna b’diżabilità minn xi ħadd li l-vittma tqis bħala “ħabib” jew “konoxxenza mill-qrib”. Fis-snin riċenti kien hemm korp dejjem jikber ta’ letteratura li tesplora l-vittimizzazzjoni ta’ dan it-tip ta’ kriminalità kontra persuni b’diżabilità.
Madankollu, il-maġġoranza tal-każijiet relatati ma’ “mate crime” mhumiex irrappurtati biżżejjed peress li dan jiġri fi spazju privat (dar aktar milli sfera pubblika), hija mwettqa minn xi ħadd li l-vittma tqis bħala “persuna ta’ fiduċja” u l-vittmi spiss jiltaqgħu ma’ diffikultajiet biex jesprimu l-esperjenza abbużiva tagħhom.
Fatturi ta’ riskju bħan-nuqqas ta’ ħiliet awto-protettivi, defiċit ta’ kompetenza soċjali, u nuqqas ta’ sapport meħtieġ jistgħu jwasslu għal akkumpanjament ta’ vittimizzazzjoni ta’ reat kontra persuni b’diżabilità.
Għalhekk, għandhom jintużaw bosta approċċi biex jinfurzaw ir-rappurtar u l-investigazzjoni ta’ “mate crimes” li joffendu lil persuni b’diżabilità. Hemm ukoll bżonn urġenti li ngħallmu ħiliet ta’ awtoprotezzjoni lil persuni b’diżabilità, speċjalment dwar kif tirrikonoxxi r-reati minn dawk qrib tagħhom u fejn jistgħu jsibu l-għajnuna meta jkunu qed jiġu abbużati minn xi ħadd li jqisu bħala ħabib jew konoxxenza mill-qrib.
It-titjib tal-aċċess għall-informazzjoni jista’ jinkoraġġixxi aktar lill-persuni b’diżabilità biex iressqu ilment jekk jesperjenzaw abbuż. Barra minn hekk, biex titnaqqas ir-rata ta’ vittimizzazzjonijiet ta’ “mate crimes”, huwa meħtieġ approċċ kollaborattiv bejn il-komunità b’diżabilità, is-sistema tal-ġustizzja kriminali, u l-fornituri ta’ servizzi tad-diżabilità biex tiġi stabbilita prattika tajba standardizzata u biex tiġi żgurata tolleranza żero lejn “mate crimes” fuq persuni b’diżabilità.
Kap tad-Dipartiment tal-Istudji dwar id-Diżabilità,
fi ħdan il-Fakultà għall-Benessri Soċjali tal-Università ta’ Malta,
li tagħha hija wkoll Viċi Dekan.
Jekk qed tfittex pjanta li xxebblek u li tikber malajr, il-pjanta tal-Boston Ivy hija ideali għalik!
Il-Boston Ivy hija pjanta li xxebblek, jew inkella, tista’ wkoll tħalliha mifruxa orizzontalment biex tibqa’ nieżla sal-art. Jekk ma tridx li l-ivy tikber mal-ħitan, ħawwilha mill-inqas 5 metri ‘l bogħod minn kwalunkwe struttura. Tista’ tkabbarhom fuq kannizzati.
Id-dwieli iservu wkoll ta’ ħitan, kif ukoll biex jagħtu dell lill-ħajt. Jekk tixtieq tħalli l-Boston Ivy xxebblek mal-ħitan ta’ xi bini, kun żgur l-ewwel li tagħmlilha bażi sod. Ladarba d-dielja tieħu postha u tibda tikber, huwa diffiċli li tneħħiha minn mal-ħitan. Tista’ tagħmel ħsara lil ħajt meta tiġi biex tipprova tneħħiha.
Fil-klimi Maltin tas-Sajf tagħna, l-aħjar huwa li tpoġġi l-pjanta tal-Boston Ivy fuq ħitan li jħarsu lejn il-lvant jew it-tramuntana.
Il-Boston Ivy tmur l-aħjar f’ħamrija msaffija sew iżda tittollera ħafna kundizzjonijiet differenti tal-ħamrija.
Il-bżonnijiet tal-ilma tagħhom huma medji. Matul l-ewwel staġun tat-tkabbir, kun żgur li ssaqqiha ħafna sabiex l-għeruq jiżviluppaw tajjeb. Wara dan, saqqi l-pjanta bejn wieħed u ieħor kull ġimgħa, u aktar spiss meta tkun is-sħana. Hija pjuttost tolleranti għan-nixfa ladarba tkun stabbilita.
Din il-pjanta hija tossika għall-annimali domestiċi tagħna.
Filwaqt li l-fertilizzazzjoni ħafna drabi mhix meħtieġa, xi wħud japplikaw fertilizzant b’ħafna fosfru meta jħawwluha biex jinkoraġġixxu l-iżvilupp tal-għeruq. Fertilizzant normali jkun tajjeb għal kull fertilizzazzjoni li tħoss li għandek bżonn tagħmel wara dak.
Ftit tal-jiem ilu, fuq il-paġna ta’ Facebook tal-iskola tar-reċtar, Mixta Drama, ħareġ il-film L-Aħħar Nifs, miktub minn Bryan Muscat u dirett minn Clayton Pace u Bryan Muscat.
skoperta.net għamel kuntatt ma’ Bryan biex jiskopri aktar dwar dan il-film u kif wara kollox ġiet l-idea għall-produzzjoni bħal din..
Dan hu dak li qalilna Bryan…
“L-idea ta’ dan il-film qasir L-Aħħar Nifs ġiet għax Clayton Pace staqsini jekk inkunx interessat nikteb u nidderiġi film qasir, fejn inkunu nistgħu nużaw studenti ta’ Mixta Drama bħala cast. Aċċettajt mill-ewwel, għaliex ilni ma’ nikteb storja qasira, u fl-istess ħin l-avventura u l-esperjenza li naħdem ma’ atturi ġodda ukoll. Clayton kien qalli li jrid ikun hemm taħlita ta’ atturi, ftit stabbiliti u ftit mill-istudenti.
L-idea tal-istorja ġiet minn ħsieb. Xtaqt nikteb xi ħaġa sempliċi, imma li jkollha messaġġ ħafif u li jkollha ftit emozzjonijiet, fejn l-udjenza tista’ tidentifika mas-sitwazzjoni. Xtaqt nuri l-importanza tal-ħajja, kemm nieħdu l-affarijiet for granted, u li meta nkunu viċin iċ-ċiklu tagħna, ikollna ċ-ċans li nħarsu lejn dawk il-memorji li jitfgħu tbissima fuq wiċċna.
Xtaqt ukoll nuri kif jista’ jħossu persuna meta jkun vera wasal fl-aħħar, fejn jista’ jkun qed jaqta’ qalbu, imma fl-istess ħin jipprova jidher sod quddiem it-tfal. Xtaqt nesplora dik ix-xeħta ta’ indifferenza li jista’ jkollhom it-tfal li draw is-sitwazzjoni, li però tinbidel f’isteriżmu meta l-ħaġa finalment tiġri.
Dik kienet l-idea kollha, fejn ħloqt din is-sitwazzjoni fejn il-missier ta’ familja, jgħix l-aħħar ftit ħinijiet ta’ ħajtu. Meta ġejna biex nagħżlu l-cast, xtaqt naħdem ma’ waħda mill-ewwel studenti li kelli tad-drama, Rachel Micallef, li ovvjament illum hija attriċi stabbilita… u brava ħafna… imma ilha brava snin twal!
Kienet esperjenza sabiħa ħafna naħdem mal-atturi żgħażagħ u tfal… talenti ġodda u b’potenzjal kbir.”
Tista’ ssegwi l-film sħiħ permezz tal-filmat t’hawn taħt:
We use cookies on our website to give you the most relevant experience by remembering your preferences and repeat visits. By clicking “Accept”, you consent to the use of ALL the cookies.
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
