Raġel, li kien isostni li kien “missier ir-reliġjonijiet kollha” u allegatament qal lis-segwaċi tiegħu biex jieklu l-ħmieġ tiegħu, ġie arrestat b’diversi akkużi wara li nstabu 11-il katavru, li l-maġġoranza tagħhom kienu segwaċi tiegħu, fil-post ta’ kampeġġ tiegħu fil-provinċja ta’ Chaiyaphum, fit-Tajlandja.
Il-mexxej tal-kult kien identifikat biss bħala Thawee, li għandu 74 sena, residenti fid-distrett ta’ Nong Rua fil-provinċja ta’ Khon Kaen, qal il-Gvernatur ta’ Chaiyaphum Kraisorn Kongchalard nhar it-Tnejn.
Huwa ġie arrestat nhar il-Ħadd wara personalità televiżiva shaman, Jiraphan Phetkhao, magħruf bħala Mor Pla wassal lill-pulizija u awtoritajiet minn aġenziji oħra tal-gvern jagħmlu rejd fil-post ta’ kampeġġ li jinsab f’foresta fir-raħal ta’ Moo 2 f’Tambon Dong Klang tad-distrett ta’ Khon San ta’ Chaiyaphum.
Jiraphan isostni li għandu setgħat speċjali biex jgħin lin-nies affettwati mis-supperstizzjoni, u jmexxi programm televiżiv li fih jikkampanja kontra dawk li jsejjaħ shamans foloz u Buddisti li jiksru l-liġijiet tal-patrijiet.
Huwa qal li mara kienet fittxet l-għajnuna tiegħu wara li ommha marret fil-post ta’ kampeġġ, li kien meqjus mis-segwaċi bħala “hermitage”, u allegatament ma tħallietx tmur lura d-dar.
Aktar tard, bint din il-mara saret taf li lis-segwaċi kienu jgħidulhom biex jieklu l-ħmieġ tal-mexxej tal-kult, li kien iqis lilu nnifsu bħala “Il-Missier”, għax jista’ jfejjaq il-mard kollu.
Meta sar l-arrest, l-awtoritajiet sabu lil Thawee imdawwar b’madwar 30 persuna, li dehru li kienu nies ta’ età medja u anzjani.
Is-segwaċi kollha kkonfermaw mal-awtoritajiet li huma kienu jemmnu li dan il-bniedem jista’ jfejjaqhom mill-mard. Saħansitra wħud minnhom kielu l-ħmieġ tiegħu quddiem l-awtoritajiet.
Is-segwaċi ammettew mal-awtoritajiet li l-katavri kienu ta’ segwaċi morda li mietu fil-post tal-kampeġġ wara li marru hemm biex ifittxu l-kura mingħand “Il-Missier”. Huma riedu li ġisimhom jibqa’ hemm għalih biex aktar tard jibgħathom il-“ġenna”.
Il-Gvernatur ta’ Chaiyaphum, Kraisorn, qal li Thawee ġie mixli fost oħrajn li kiser il-liġi tas-saħħa pubblika u l-att tal-kontroll tal-mard.
Kraisorn qal li se ssir l-awtopsja fuq il-11-il katavru biex isibu l-kawża tal-mewt tagħhom u aktar akkużi jistgħu jingħataw lill-akkużat.
Thawee qed jinżamm fl-Għassa ta’ Khon San u bosta segwaċi tiegħu marru jistennewh barra.
Il-President Ukren Volodymyr Zelenskyy qal li l-pożizzjoni tar-Russja fit-taħdidiet qed issir aktar realistika.
F’messaġġ televiżiv, Zelenskyy saħaq fuq il-ħtieġa li pajjiżu jkompli jiġġieled iżda ta tama dwar l-aħħar taħdidiet li għaddejjin bħalissa.
Huwa qal li skont kif qalulu, il-pożizzjoni tar-Russja qed issir aktar realistika filwaqt li enfasizza l-importanza li jippersegwitaw fit-taħdidiet għaliex qal li kwalunkwe gwerra għandha tispiċċa fi qbil. Madanakollu żied jgħid li jeħtieġu aktar ħin biex jinkisbu deċiżjonijiet li jkunu fl-interessi tal-Ukrajna.
Min-naħa l-oħra, Vladimir Medinsky, il-kap tad-delegazzjoni Russa, qal li l-għanijiet tal-pajjiż fin-negozjati mal-Ukrajna ma nbidlux minn meta bdew it-taħdidiet bejn iż-żewġ naħat.
Huwa qal li Moska trid li l-Ukrajna tkun paċifika, ħielsa, indipendenti u newtrali. Żied jgħid li t-taħditiet bejn ir-Russja u l-Ukrajna għadhom għaddejjin iżda huma diffiċli.
Qal ukoll li min-naħa tar-Russja x-xewqa hija li jaslu għall-paċi kemm jista’ jkun malajr.
Laura Pausini, Alessandro Cattelan u Mika se jkunu l-preżentaturi tal-Eurovision Song Contest ta’ din is-sena.
Din l-aħbar eċitanti ġiet żvelata lbieraħ waqt it-tieni serata tal-festival ta’ Sanremo, meta t-tliet preżentaturi telgħu fuq il-palk flimkien mal-preżentatur Amadeus eżatt qabel xandira diretta mal-Belt ospitanti tal-Eurovision, Turin fejn ġie pproġetta arloġġ tal-countdown fuq l-ikonika Mole Antonelliana.
Laura Pausini hija possibbilment l-aktar artista Taljana popolari u ppremjata fid-dinja. Hija rebħet erba’ Latin Grammys, Grammy Award u Golden Globe. Fl-2021, hija ġiet nominata għall-Academy Award għall-aħjar kanzunetta oriġinali bil-kanzunetta Io Sì (Seen) mill-film The Life Ahead.
Il-karriera mużikali tagħha teħodha madwar id-dinja kollha, u l-aħħar album tagħha huwa wkoll is-soundtrack għall-film li ħiereġ, Pleasure to Know You.
Alessandro Cattelan huwa magħruf ħafna fl-Italja bħala preżentatur televiżiv għal 20 sena. Ħoloq u ppreżenta diversi programmi, serati ta’ divertiment u introduċa wkoll formati ġodda fl-Italja bħal Total Request Live, Le Iene u X Factor Italy.
F’Marzu, Cattelan se jippreżenta programm ġdid fuq Netflix, Alessandro Cattelan: Una Semplice Domanda (Mistoqsija waħda sempliċi). Fil-programm, se jkun qed iwassal intervisti u esperjenzi uniċi ma’ diversi personalitajiet popolari.
Michael Holbrook Penniman Jr. huwa kantawtur, artist, entertainer tat-televiżjoni u r-radju, disinjatur u illustratur.
Ilu magħruf bħala Mika mill-2007, meta kien fil-quċċata tal-klassifika mużikali fir-Renju Unit bil-kanzunetta Grace Kelly, li saret popolari ħafna fid-dinja fi żmien qasir. Ġew mibjugħa aktar minn 3 miljun kopja tal-kanzunetta madwar id-dinja, u l-album ted-debutt tiegħu Life In Cartoon ikklassifika mill-ewwel fin-numru wieħed fir-Renju Unit u 11-il pajjiż ieħor, u ġew mibjugħa aktar minn 7 miljun kopja madwar id-dinja.
Is-66 edizzjoni tal-Malta Eurovision Song Contest se jsir fl-10, it-12 u l-14 ta’ Mejju fil-Pala Olimpico f’Turin, l-Italja.
Il-kantanta lokali ta’ 27 sena, Danica Muscat rebħet it-tielet edizzjoni ta’ Kantamagħna, kompetizzjoni tal-kant organizzata minn DCapitals Big Band taħt id-direzzjoni ta’ Mro. George Apap, bis-sapport tad-Direttorat Kulturali fi ħdan il-Ministeru għal Għawdex, il-Kunsill Lokali tal-Belt Victoria, Distinct Homes Ltd, kif ukoll it-Teatru Astra, il-post li jospita dan l-ispettaklu mużikali.
Danica interpretat il-kanzunetta ikonika The Best, l-aħħar waħda fost l-24 parteċipant, u ta’ din l-interpretazzjoni, il-ġurija professjonali komposta minn Sylvana Attard, Ludwig Galea u Antonella Vassallo għażlitha kemm bħala r-rebbieħa ta’ Sezzjoni Ċ, kif ukoll tal-festival.
Il-premju tagħha huwa sena kuntratt ma’ DCapitals Big Band fejn tingħaqad mal-kantanti residenti: Jolene Sahman, Fabian Galea u Francesca Sciberras waqt l-ispettakli li jtellgħu matul is-sena li ġejja.
Ir-rebbieħa l-oħra tat-tielet edizzjoni ta’ Kantamagħna jinkludu lil Elisa Buttiġieġ bil-premju Distinct Talent Award; Kylie Micallef u Krista Chircop fl-ewwel u t-tieni post ta’ Sezzjoni A; Eliana Gomez Blanco u Maya Cauchi fl-ewwel u t-tieni post ta’ Sezzjoni B; u Bradley Debono fit-tieni post ta’ Sezzjoni Ċ.
Ritratt: Kris Micallef
Il-kantanta Danica Muscat żgur li m’għandha bżonn tal-ebda introduzzjoni fix-xena tal-mużika lokali, b’parteċipazzjonijiet fil-programm televiżiv Taljan, Io Canto; fil-Malta Junior Eurosong; il-Malta Eurovision Song Contest; is-Summer Hit Song Contest; il-Konkors Kanzunetta Indipendenza kif ukoll aktar riċenti; Mużika Mużika – Festival tal-Kanzunetta Maltija fejn aktar tard din is-sena ħa tkun qiegħda terġa’ tipparteċipa, din id-darba bil-kanzunetta Ossiġnu f’kollaborazzjoni ma’ Kapitlu Tlettax.
F’kummenti li tellgħet fuq il-midja soċjali tagħha, Danica qalet li lanqas biss tista’ temmen, speċjalment meta tħares lejn il-kumplament tat-talent li kien hemm fost il-parteċipanti ta’ din it-tielet edizzjoni.
“Nixtieq nirringrazzja lil Mro. George Apap u l-DCapitals Big Band tax-xogħol siewi tagħhom, lill- membri tal-ġurija li għażlu lili, u fl-aħħar u mhux l-inqas lit-tim tiegħi li m’għandix għalfejn insemmihom wieħed wieħed għaliex jafu li kieku ma kienx għas-sostenn u l-kuraġġ tagħhom, jiena ma nisfidax lili nnifsi”.
Il-mewt tal-attriċi popolari Betty White ġiet ikkawżata minn puplesija li tatha sitt ijiem qabel mietet, fil-31 ta’ Diċembru tal-2021, fl-età ta’ 99 sena.
L-attriċi maħbuba ta’ Golden Girls u Mary Tyler Moore Show mietet id-dar tagħha f’Los Angeles.
Il-kawża kienet ikkonfermata mit-tabib ta’ White, kif inhu tipiku f’każi bħal dawn.
Hija ġiet kremata u l-fdalijiet tagħha ngħataw lil Glenn Kaplan, ir-raġel li kien inkarigat għall-kura tas-saħħa ta’ White.
Betty White, li kienet pedament televiżiv għal aktar minn 60 sena u kienet ammirata minn diversi ġenerazzjonijiet ta’ fans, mietet inqas minn 3 ġimgħat qabel għeluq il-100 sena tagħha.
We use cookies on our website to give you the most relevant experience by remembering your preferences and repeat visits. By clicking “Accept”, you consent to the use of ALL the cookies.
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
