Jaħbtu żewġ ajruplani tat-Tieni Gwerra Dinjija waqt wirja tal-ajru f’Dallas

Jaħbtu żewġ ajruplani tat-Tieni Gwerra Dinjija waqt wirja tal-ajru f’Dallas

Sitt persuni mietu wara li żewġ ajruplani tat-Tieni Gwerra Dinjija ħabtu waqt wirja tal-ajru fl-istat Amerikan ta’ Texas.

Filmati juru l-ajruplani jolqtu lil xulxin, b’wieħed minnhom jinqasam min-nofs. Tidher ukoll daħna kbira hekk kif l-ajruplan jaqa’ fl-art.

Skont rapporti minn midja barranija, ħadd min-nies li kienu fuq l-art ma ndarab.

L-Allied Pilots Association, li tirrappreżenta lill-bdoti tal-linja tal-ajru Amerikana, qalet li tnejn mill-eks membri tagħha kienu fost f’dawk li mietu fl-inċident.

L-Amministrazzjoni Federali tal-Avjazzjoni qalet li se tkun qed tinvestiga l-inċident.

L-ajruplan B-17 kellu rwol ewlieni fir-rebħ tal-gwerra bl-ajru kontra l-Ġermanja fit-Tieni WW2.

It-tieni ajruplan, P-63 Kingcobra, kien ajruplan tal-ġlied użat fl-istess gwerra, iżda użat fil-ġlieda biss mill-Forza tal-Ajru Sovjetika.

Hank Coates, mill-Forza tal-Ajru Kommemorattiva li organizza l-avveniment qal li l-B-17 normalment ikollu ekwipaġġ ta’ madwar erba’ sa ħames persuni, filwaqt li l-P-63 ikollu bdot wieħed.

19-il tifel u tifla maqtula f’attakk fi skola primarja f’Texas

19-il tifel u tifla maqtula f’attakk fi skola primarja f’Texas

Dsatax-il tifel u tifla u żewġ għalliema nqatlu f’attakk b’arma tan-nar fi skola primarja f’Texas, l-Amerika.

L-attakk seħħ nhar it-Tlieta fl-Iskola Elementari Robb f’Uvalde, madwar 80 mil fil-punent ta’ San Antonio.

Salvador Ramos, li għandu 18-il sena daħal l-iskola wara li spara barra l-bini.

Eventwalment huwa nqatel minn uffiċjal tas-sigurtà li kien qed jaħdem fil-viċin u mar fuq il-post wara li sema’ l-isparaturi.

Dan kien l-aktar massakru fatali fi skola fl-Amerika fi kważi għaxar snin.

Huwa mifhum li l-ġuvni spara lin-nanna tiegħu qabel ma mar l-iskola, iżda l-kundizzjoni tagħha għadha mhix magħrufa.

Enable Notifications OK No thanks