It-tfittxija għal Max: L-aħħar żviluppi

It-tfittxija għal Max: L-aħħar żviluppi

by | 16/Sep/22 | Ġrajjiet, Konf Taf?, Kurrenti

Ftit tal-ħin ilu, il-Prof. Carmen Sammut, tellgħet post fuq Facebook, bl-aġġornamenti dwar l-għibien tal-kelb Max, li ilu nieqes ‘il fuq minn ġimgħa u nofs.

Hija qalet kif “it-tfittxija intensiva għal Max li saret bi klieb imħarrġa minn voluntiera fil-qasam tas-salvataġġ (sniffer dogs) ma tatx ir-riżultat mixtieq.”

Hija kompliet billi qalet li “issa kważi jista’ jingħad b’ċertezza li l-kelb ittieħed jew insteraq mill-post.”

Kemm il-familja ta’ Miguel kif ukoll l-awtoritajiet qed jieħdu kull rapport li jidħol b’serjetà kbira, iżda s’issa kull tfittxija ma wasslet għal imkien.

Sammut għalqet billi qalet li l-unika tama li fadal hija li min ħadu tmissu l-kuxjenza u jirritornah, li xi ħadd jirrapporta jekk jara kelb tar-razza Golden Retriever fl-inħawi fejn jgħix u li l-pulizija tieħu azzjoni immedjata biex jinġabru filmati mill-bosta kameras li hemm fl-inħawi.

Hija saħqet li x’aktarx, xi waħda mill-kameras qabdet x’ġara eżattament fil-jum li ġie nieqes Max.

It-tim kollu ta’ Skoperta iħeġġiġkom ilkoll biex ixxerdu l-kelma, b’mod partikolari ma’ dawk li m’għandhomx aċċess għal facebook jew għal internet, ħalli Max jirritorna lura d-dar għand familtu!

Imut l-attur Moses J. Moseley ta’ The Walking Dead

Imut l-attur Moses J. Moseley ta’ The Walking Dead

by | 01/Feb/22 | Ġrajjiet, Kurrenti

Tħabbret il-mewt tal-attur Moses J. Moseley, li interpreta wieħed miż-zombies fis-sensiela The Walking Dead, fl-età ta’ 31 sena.

Il-maniġer tiegħu, Gail Tassell qalet li bħalissa qed tiġi investigata l-mewt ta’ Moseley wara li dan l-aħħar kien irrappurtat nieqes.

Wara tfittxija, instabet il-karozza tiegħu fiż-żona ta’ Hudson Bridge ta’ Stockbridge Georgia, fejn hemmhekk instab ukoll il-katavru tiegħu.

Moseley ħadem f’The Walking Dead bejn l-2012 u l-2015 bħala wieħed miż-zombies li segwa l-karattru ta’ Michonne, interpretat minn Danai Guria.

Huwa ħadem ukoll bħala attur f’The Hunger Games: Catching Fire, Queen of the South u Watchmen.

Filmat: Kura – Kanzunetta dwar tradiment mill-grupp mużikali Skald

Filmat: Kura – Kanzunetta dwar tradiment mill-grupp mużikali Skald

by | 18/May/21 | Arti, Mużika, Varjetà

Kura hija kanzunetta li titkellem fuq tradiment, mill-grupp mużikali Skald.

Tradiment jista’ jkun li jkun ġej mill-maħbubin, ħbieb, kollegi tax-xogħol, nies li tafda, istituzzjonijiet ċivili jew reliġjużi eċċ..

Il-messaġġ ta’ din il-kanzunetta huwa karba għall-kura.

Kura huwa wkoll l-isem tal-album ta’ Skald, li mistenni li joħroġ f’Ġunju li ġej. Il-kunċett tal-isem idur madwar it-tfittxija u l-karba għall-kura għat-temi li jissemmew fl-album stess.

Enable Notifications OK No thanks