Ilbieraħ ingħatat tislima lill-mibki l-On. Robert Arrigo qabel il-logħba ta’ bejn Manchester United u Tottenham, ġewwa l-istadium ta’ Old Trafford.
Arrigo, partitarju ta’ Spurs, ġie mfakkar fuq inizjattiva tal-whip Nazzjonalista Robert Cutajar, partitarju ta’ Manchester Utd.
Il-whip Nazzjonalista Robert Cutajar stqarr li dan kellu jkun messaġġ ta’ awguri għall-fejqan ta’ malajr, iżda sfortunatament kellu jinbidel f’wieħed ta’ tislima.
L-On. Arrigo se jingħata l-aħħar tislima nhar is-Sibt it-22 ta’ Ottubru, fil-knisja ta’ San Ġiljan, fl-10 ta’ filgħodu.
Illum il-President ta’ Malta, flimkien ma’ martu Miriam jinsabu ġewwa Londra, flimkien ma’ diversi dinjitari oħra u eluf kbar ta’ nies, sabiex għada jattendu għall-Funeral Statali tal-Maestà Tagħha r-Reġina Eliżabetta II.
Dalgħodu, huma marru f’Lancester House fejn iffirmaw il-ktieb tal-kondoljanzi. Wara marru f’Westminister Hall, fejn sellmu għall-aħħar darba lir-Reġina Eliżabetta II.
Il-Funeral Statali t’għada se jsir f’Westminster Abbey fil-11am (ħin Ingliż), fejn eluf ta’ nies mistennija li jattendu. Diversi screens ġew installati, kemm ġewwa Londra u kif ukoll f’ħafna rħula oħra madwar l-Ingilterra, sabiex il-pubbliku jkun jista’ jagħti ġieħ lir-renju straordinarju tar-Reġina, u l-ħajja notevoli ta’ servizz tal-Maestà Tagħha bħala Kap ta’ Stat, ta’ Nazzjon u tal-Commonwealth.
Bħalissa, il-Kummissjoni Għolja Brittanika f’Malta qed tagħti l-aħħar tislima lir-Reġina Eliżabetta II f’Villa G’Mangia.
David Beckham deher emozzjonat hekk kif ta tislima lir-Reġina xħin wasal ħdejn it-tebut, wara li kien għamel 13-il siegħa fil-kju.
Huwa qal lil Sky News li kien qiegħed hemm biex jiċċelebra r-Reġina “speċjali” tal-Gran Brittanja.
Huwa qal li l-ġurnalisti li din il-ġurnata kienet dejjem se tkun diffiċli, u hija diffiċli għan-nazzjon u għal kulħadd madwar id-dinja.
“Naħseb li kulħadd qed iħossha. Il-ħsibijiet tagħna huma mal-familja u ovvjament ma’ kull min qiegħed hawn illum. Għax huwa speċjali li tkun hawn, li tiċċelebra, u li tisma’ l-istejjer differenti li n-nies għandhom xi jgħidu.”
Żied jgħid li l-aktar mument speċjali għalih kien meta rċieva l-unur tal-Order of the British Empire. Huwa qal li dakinhar, minbarra li kien hemm il-mara tiegħu preżenti, ħa lin-nanniet tiegħu miegħu, li kienu dawk li rawmu fih ir-rispett u l-ammirazzjoni għall-familja rjali.
Huwa qal li minbarra li kiseb l-unur, ħassu xxurtjat li kellu l-opportunità li jiltaqa’ u jitkellem mar-Reġina.
Il-ġimgħa li għaddiet, Beckham qal li n-niket madwar id-dinja għall-mewt tar-Reġina juri “kemm ispiratna bit-tmexxija tagħha.”
U bilħaqq! Ma setax jonqos li dawk li kienu fil-kju ma’ David Beckham, ħadu l-opportunità biex jersqu viċin tiegħu u jieħdu xi ritratt!
Paddington Bear, li huwa karattru fittizju fil-letteratura tat-tfal, uża l-pjattaforma ‘Twitter’, biex isellem lir-Reġina, wara li tħabbret il-mewt tagħha.
Niftakru kif ftit tax-xhur ilu r-Reġina kienet issorprendit lid-dinja kollha b’sorpriża ħelwa waqt iċ-ċelebrazzjonijiet tal-Ġublew tal-Platinum. Fil-fatt hija kienet dehret fuq l-iskrin tieħu t-te ta’ wara nofsinhar, bis-‘sandwiches’ u l-marmellata tagħha stess, ma’ Paddington Bear, fil-Kastell ta’ Windsor. L-iskeċċ kien sorpriża anke għal xi wħud minn uliedha, neputijiet u proneputijiet li kienu fl-udjenza għaċ-ċelebrazzjonijiet tal-Ġublew.
Ilbieraħ tħabbret il-mewt ta’ Austin, ir-raġel li ddedika ħajtu kompletament għall-annimali.
Skoprejna dwar l-imħabba u d-dedikazzjoni kbira ta’ Austin għall-annimali madwar 11-il sena ilu, meta Xarabank wassal l-istorja tiegħu.
Għal ħafna snin, Austin għex waħdu ma’ aktar minn 80 kelb u qattus, mingħajr elettriku, għaliex kien aktar importanti għalih li jagħti dak kollu li jista’ lill-annimali u jieħu ħsiebhom milli li jgħix f’ambjent aktar komdu għalih.
Minkejja dan, huwa kien jgħix kuntent u ma kienx jimmaġina ħajtu modieħor.
Austin trabba mas-sorijiet tal-Ursolini, u l-imħabba tiegħu lejn l-annimali nibtet minn ta’ età żgħira. Fil-filmat ta’ Xarabank, huwa stqarr li kellu ħajja pjuttost iebsa iżda l-annimali kienu ħajtu u li kieku ma kellux lilhom ma kien ikollu lil ħadd.
Minħabba li Austin kien marad u kellu bżonn il-kura, l-Island Sanctuary għenuh ħadulu ħafna mill-klieb u l-qtates u ħalla ftit biss miegħu.
Ċertament li dak ir-raġel, li seraq il-qlub ta’ ħafna, partikolarment dawk li jħobbu lill-annimali, madwar 11-il sena ilu, se jibqa’ mfakkar għall-persuna speċjali li kien.
L-aħħar tislima lil Austin se tingħata nhar il-Ħamis it-2 ta’ Ġunju fis-14:30 fil-knisja tal-Madonna tad-Duluri, il-Ħamrun.
We use cookies on our website to give you the most relevant experience by remembering your preferences and repeat visits. By clicking “Accept”, you consent to the use of ALL the cookies.
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
