Prosekuturi Portugiżi li qed jinvestigaw l-għajbien ta’ Madeleine McCann, iddikjaraw lil Christian B bħala s-suspettat ewlieni.
Għalkemm ma ngħatawx wisq dettalji, huma qalu li qed jaġixxu fuq talba tal-awtoritajiet Ġermaniżi
Fl-2020, il-pulizija Ġermaniża qalet li kienet qed tinvestiga raġel, magħruf bħala Christian B, b’rabta mal-każ.
Madeleine, li dak iż-żmien kellha 3 snin, għebet waqt vaganza tal-familja fi Praga da Luz fl-2007.
Hija qatt ma nstabet u l-investigaturi jemmnu li nħatfet mill-appartament fejn kienu qed joqogħdu l-familja waqt il-vaganzi, fir-resort Algarve.
Fl-istqarrija li ħarġet nhar il-Ħamis mill-prosekuturi f’Faro, il-belt ewlenija ta’ Algarve, qalu li persuna saret “arguido”, li tfisser “suspettat imsemmi, “suspettat formali” jew “persuna ta’ interess,” jum qabel.
Hija l-ewwel darba li l-prosekuturi Portugiżi identifikataw suspettat ewlieni minn meta l-ġenituri ta’ Madeleine, Kate u Gerry McCann, kienu msemmija bħala suspettati, 15-il sena ilu. Aktar tard huma ġew meħlusa minn kull suspett.
Fit-3 ta’ Mejju se jkunu għaddew 15-il sena minn meta Madeleine ġiet irrappurtata nieqsa u skont il-liġi Portugiża, ma jkunx aktar possibbli li xi ħadd jiġi ddikjarat bħala persuna ta’ interess wara din id-data. Id-dikjarazzjoni ta’ xi ħadd bħala persuna ta’ interess huwa pass meħtieġ għal kwalunkwe akkużi kriminali.
Bħalissa Christian B qed jiskonta sentenza ta’ ħabs għal reati ta’ droga fil-Ġermanja u ngħata wkoll sentenza ta’ 7 snin wara li nstab ħati li stupra mara ta’ 72 sena.
Is-suspettat kien jivvjaġġa bejn Praia da Luz u l-Ġermanja f’vann għal diversi snin qabel ma Madeleine għebet.
Huwa mifhum li l-investigaturi Ġermaniżi qed jiffukaw ix-xogħol forensiku tagħhom fuq il-vettura.
Christian B, li għandu 40 sena, kien sar suspettat wara li allegatament ammetta li ħataf lil Madeleine waqt li kien f’bar fil-Ġermanja f’għeluq l-10 anniversarju mill-għajbien tagħha.
Madanakollu, meta bdiet l-investigazzjoni huwa ċaħad l-involviment tiegħu fl-għajbien ta’ Madeleine.
Iżda saqajja kont qed inħosshom wisq tqal u ġismi kien qed jiġbidni lura. Ħassejt idejn il-gwardjan fuq spallti. Ħarist lejh u rajtu jagħmilli mossa ta’ kuraġġ. Forsi kulħadd bħali kien jagħmel. Forsi kulħadd kien jibża’ xi ftit wara dawk is-snin kollha hemm ġew. Ħadt nifs profond, poġġejt idi fuq sidri, sellimt lill-gwardjan u bdejt miexi b’mod aktar prattikabbli lejn il-bieb prinċipali. Smajt il-ħoss tal-bieb jinfetaħ b’mod aktar qawwi milli kien suppost. Daħal raġġ ta’ dawl minn bejn il-bexqa tal-bieb kbir magħmul minn injam mastizz u oħxon. Bexxaqt għajnejja għax tant kemm kienu draw id-dawl fittizju ta’ hawn ġew, li kienu diġà bdew jaħarquni. U ħassejtni liberu. Iva, liberu. Dak il-ħin. Dak il-propju mument qabel ħriġt bilmod ‘il barra. U għamilt l-arja. Ersaqt lejn il-bieb u ħriġt hemm barra fix-xemx, inħoss iż-żiffa fietla tas-sajf, tmellisli wiċċi u twennisni. U rajt persuna bilwieqfa tħares lejja eżatt minn quddiem il-kanċell tan-naħa ta’ barra. “Jonas?” ħarġitli b’mod sorpriż, hekk kif indunajt li ħija kien ġie għalija! Ħarist lura lejn il-gwardjan li kien għadu jiffolowjani eżatt mal-kanċell, fetaħuli u reġa’ għalqu warajja biż-żaqżiq. Mort inħaffef ngħannaq lil ħija, li dawn l-aħħar sentejn kien reġa’ beda jiġi jżurni. Kont għamilt żmien twil, lanqas biss nisma’ b’aħbaru. Imma donnu dan l-aħħar kien ħafirli ta’ dak li kont wettaqt. “Int ħammiġtilna unurna!” kien akkużani Jonas, meta kien ġie jarani l-ewwel darba. Jonas kien it-tewmi tiegħi. Ħija. L-unika familja li kelli. “Aħfirli Jonas, inti kont miegħi dakinhar. Taf li konna xrobna!” kont krabtlu, qabel kont ġejt eskortat mill-pulizija. U issa kont qed nistħi minnu. Ħija t-tewmi. X’differenza kien hemm bejnietna! Jien kelli xagħri nofsu mwaqqa’ bl-inkwiet kollu li kien għadda mingħalija, wiċċi mimli tikmix u linji ta’ maturità esaġerata. Kont liebes biċċa flokk iffejdjat u xi ftit mikul. Qalziet li kien kiber miegħi, leħja mteftfa u kont ġejt niexef għuda.
Il-ġimgħa d-dieħla…ir-raba’ u l-aħħar parti ta’ dan ir-rakkont…
Indri, għal min ma kienx jafu personali, kif tiddeskrivi lil Enzo?
Enzo kien persuna speċjali ħafna. Min ma jkunx kellmu jista’ jkun li jieħu impressjoni li jrid jgħallem, però li kien perfezzjonist hija veru imma li ssir tafu mill-viċin tibda tifhem kemm it-tali li kien iwassal kellu skop ġenwin.
Kif sirt tafu personali, u kif kienet ir-relazzjoni ta’ bejnietkom?
Sirt nafu għax fl-1994 skoprejtu fuq ir-radju. Ġenninni għal warajh bil-programmi li kien itella’. Ħlift li nsir ħabib tiegħu u kienet faċli. Enzo kien jagħmel ħbieb ma’ kulħadd f’sekonda.
Enzo u l-familja. X’kienet tfisser għalih il-familja?
Enzo kien maqsum min-nofs. Il-maġġorparti taż-żmien jaħdem mid-dlam sad-dlam f’Malta u familtu jgħixu l-Kanada. Wara l-mewt ta’ ommu telaq ħdejn familtu għal kollox. Kien iħobbhom b’mod li ma tispjegahx. Martu Carmen kienet ġojjell għalih. Jitkellem dwarha kontinwament, u uliedu u n-neputijiet għalih kienu n-nifs tiegħu.
X’kont tammira l-aktar f’Enzo?
Enzo kien trasparenti. Kollox mikxuf litteralment. Li jaħseb jgħidu. Però kellu kariżma speċjali u kien kapaċi jikkoreġi żbalji tiegħu stess.
Liema mumenti miegħu l-aktar li tgħożż?
Enzo kien iħobbni daqs li kieku kont ibnu. Ma nistħix ngħid li wara konverżazzjoni fuq it-telefown kien jispiċċa b’I love you. Kont inħobbu ta’ vera u hu kien jaf.
Hemm xi ħaġa li int personali tgħallimt mingħandu?
Tgħallimt inkun xandar li jisma’. Li l-aqwa programm għadni ma ppreżentajtux u li l-lingwa Maltija jixirqilha li tixxandar bl-aħjar mod possibbli. Kultant kont inħossu qed jesaġera u mhux l-ewwel darba li illatikajna.
Hemm xi ħaġa li kien qallek u li baqgħet dejjem f’moħħok?
Impossibbli nsemmi ħaġa waħda. Li hu żgur li nkun f’ħafna sitwazzjonijiet li jġiegħluni niftakar fih.
X’impatt tħoss li għamel f’pajjiżna?
Enzo kien leġġenda. Ħalla impatt qawwi fix-xandir u ħalla impatt qawwi fil-mod kif illum qed napprezzaw iktar il-kantanti Maltin. Enzo kien jeleva ‘l fuq lill-kantanti l-oħra. Jekk tinnota ftit jagħmluha.
Kellek kuntatt miegħu dan l-aħħar?
Iva. Kelli l-privileġġ li nikkomunika permezz ta’ video calls bis-saħħa ta’ martu. Bi prudenza kont inħalli lilhom iċemplu u kif jgħeja jitkellem konna nieqfu. Kont naqsam qalbi u anke bkejna flimkien.
X’tista’ tgħidilna dwar Enzo li forsi ftit nies jafu?
Li għalkemm kien jidher arjuż f’xogħlu kien jibża’ ħafna. Enzo ma kienx konxju tal-popolarità tiegħu u niftakar li fl-2006 waqt li kont qed norganizzalu l-aħħar kunċert tiegħu nipprova nipperswadih li n-nies iriduh. Kien jibża’ li m’għadux jattira n-nies bħal qabel u meta wasal il-waqt kien tani r-raġun. Teatru ippakkjat u kunċert memorabbli. Kien bravu wisq.
Tiftakar xi mument umoristiku li qsamtu flimkien?
Kien iħobb jidħak iżda l-maġġoranza tal-ħin konna nkunu qed nitkellmu dwar affarijiet serji. Hemm ċajt li ma kienx ikun tajjeb għal fuq il-palk u allura kien jibqa’ bejnietna.
X’inhu l-aħħar messaġġ tiegħek dwar Enzo?
Enzo għallimni naħfer. Enzo weġġgħuh nies b’mod gravi fuq livell li bniedem komuni kien jaħsibha ħafna drabi jekk jaħfirx. Enzo kien speċjali wisq, ma rridx nagħtih titli minn issa, inħalli ż-żmien isajru l-bajtar.
Ir-Reġina ddeċidiet li tikkanċella l-ikla tradizzjonali ta’ qabel il-Milied ma’ membri oħra tal-Familja Rjali minħabba l-biża’ u tħassib dwar iż-żieda ta’ każijiet tal-Covid-19 fir-Renju Unit.
Sors ta’ Buckingham Palace ikkonferma li d-deċiżjoni li tiġi kkaċellata l-ikla hija bħala prekawzjoni hekk kif il-varjant Omicron qed ikompli jinfirex madwar il-pajjiż, għaliex tista’ tpoġġi f’riskju l-arranġamenti tal-Milied ta’ wisq nies.
L-ikla tas-sena l-oħra wkoll ġiet ikkanċellata minħabba l-kriżi tal-Covid-19.
Din it-tradizzjoni ilha ssir għal ħafna snin, fejn ir-Reġina tistieden lil uliedha, neputijiet u proneputijiet tagħha biex jingħaqdu magħhom f’Buckingham Palace qabel ma titlaq lejn Sandringham għall-vaganzi tal-Milied.
Il-palazz bħalissa għaddej minn xogħlijiet kbar ta’ rinnovazzjoni.
Iċ-ċelebrazzjoni ta’ qabel il-Milied tagħti ċans lir-Reġina li tqatta’ l-ħin mal-qraba li ma jkunux jistgħu jivvjaġġaw lejn Norfolk għal Jum il-Milied.
Normalment jiġu mistiedna wkoll membri oħrajn tal-familja inklużi l-kuġini tar-Reġina, il-Gloucesters, id-Duka ta’ Kent u oħrajn.
Dan il-Milied huwa l-ewwel wieħed tar-Reġina mill-mewt ta’ żewġha, id-Duka ta’ Edinburgu.
Illum se nitkellmu mal-koppja Karl u Dorianne Azzopardi dwar l-esperjenza li għaddew minnha mill-mument li ddeċidew li jadottaw u x’differenza għamlet f’ħajjithom Valentina, it-tifla adottiva tagħhom li f’Lulju li ġej tagħlaq 4 snin.
Karl u Dorianne… għidulna ftit dwarkom..
It-tnejn ġejjin minn familji modesti, li jħaddnu l-prinċipji tal-ħajja, fuq kollox is-sagrifiċċji tal-ġenituri lejn il-bżonn tal-familja.
Ilna nafu lil xulxin ‘il fuq minn 30 sena, din is-sena nagħlqu 24 sena miżżewġin. Is-sigriet tar-relazzjoni hi sempliċi, relazzjoni bbażata fuq imħabba sinċiera, l-importanza tal-kommunikazzjoni bejn il-koppja, ħin ta’ kwalità u t-toleranza.
Kif wasaltu għad-deċiżjoni li tadottaw?
Aħna nemmnu ħafna bid-destin…..iżżewwiġna relattivament żgħar meta tikkumpara maż-żminijiet tal-lum u mingħajr kundizzjonijiet wara żmien ta’ għerusija fejn sirna nafu lil xulxin pass wara pass.
Bejn ix-xogħol u l-ħajja ta’ koppja normali, qatt ma konna koppja li noqogħdu nippjanaw meta rridu t-tfal, għax konna dejjem nemmnu li dan għandu jseħħ naturali. Iż-żmien beda għaddej u wasalna f’punt fejn ħassejna li nħarsu lejn din l-alternattiva….. alternattiva hekk sabiħa u li kien hemm qbil reċiproku. Ħadd ma sforza lil ħadd.
Kemm dam għaddej il-proċess sakemm ingħatajtu l-konferma li tistgħu tadottaw?
Madwar 16-il xahar minn meta ddeċidejna li mmorru għall-programm li jwassal għall-adozzjoni.
X’tiftakru mill-mument li sirtu tafu li kontu se ssiru l-ġenituri adottivi ta’ Valentina?
Ma tantx hemm kliem li tista tiddeskrivi dak il-mument hekk sabiħ….meta niftakru għadna nġorru dik l-emozzjoni sabiħa ferm sal-lum….
Il-proċess jinqasam fi tlett fażijiet. Fil-bidu tal-aħħar fażi, hemm dik li tissejjaħ ‘matching process’ u dan jiskattah l-aġenzija li l-koppja li tkun għażlet li tkompli l-proċess. L-aġenzija tibgħat profil u dettalji tat-tifel jew tifla li tkun ġiet matched mal-koppja, u l-koppja tkun trid tikkunsidra dan u tagħti risposta jekk tridx tkompli l-proċess fuq dan it-tifel jew tifla…fil-każ tagħna Valentina.
Niftakru li kien il-Ħadd filgħaxija, jien kont fis-sitting room u Dorianne kienet fil-kċina……irċevejna sms notification u e-mail f’dan ir rigward mill-aġenzija.
Ftehmna li naraw id-dettalji separatament, u li ‘nittestjaw’ dak li nħossu individwalment……..u li nkunu onesti mall-ewwel……… nista’ ngħid li fi ftit ħin, it-tnejn konna pożittivi u ħassejna ferħ kif ukoll dik ix xi ħaġa minn ġewwa li qed tgħidilna biex immexxu b’dik it-tifla tagħna u li rridu nkomplu din il-mixja flimkien!!
Kemm għadda żmien sakemm wasal il-waqt li tmorru għaliha? U x’kien jinvolvi l-proċess?
Il-matching seħħ għall-ħabta ta’ Diċembru u morna għal Valentina f’Ġunju – madwar sitt xhur. Il-proċess mhux faċli għax maqsum fi tlett fażijiet b’kollox.
L-ewwel fażi tinvolvi kors mal-appoġġ li bih il-koppja minbarra li taċċerta ruħha fuq dan il-pass tkun qed titgħallem x’inhu l-proċess tal-adozzjoni, qisu risk assessment fejn wieħed jiġi espost kemm għal dak li hu tajjeb kif ukoll għal dak li jista’ jkun iebes u diffiċli, ir-realtà.
It-tieni fażi tieħu forma aktar formali fejn il-koppja tgħaddi minn forma ta’ due diligence li jinkludi fost affarijiet oħra ‘home study’ report kif ukoll aspetti relatati mas-saħħa u l-qagħda ekonomika tal-koppja eċċ. Il-koppja finalment tkun soġġetta għal test ma’ psikologa professjonali wkoll.
It-tielet u l-aħħar fażi hi l-iktar iebsa għax tinvolvi dak il-matching process li hu żmien ta’ stennija, iżda wara l-matching jibda naħseb dak li hu l-aktar iebes ….. proċess legali li jieħu xhur u li waqtu kollox jista’ jiġri peress li jista’ jkun hemm ‘second thought’ mill-omm naturali kif ukoll il-koppja ma jkollhiex kontroll ta’ kemm se jdum il-proċess.
Fil-każ tagħna l-proċess dam bejn 5 u 6 xhur li waqthom tkun qed issegwi b’limitazzjoni t-tifla kif qed tikber fil-home u fl-istess ħin is-seduti tal-qorti jkunu qed jiġu aġġornati …….fl-aħħar però wasal il-mument biex immorru għax kienet waslet l-aħħar seduta u l-‘judge’ talab li l-ġenituri adottivi potenzjali jkunu preżenti fiżikament għall-aħħar seduta….. ferħ u ansjetà fl-istess ħin….. Valentina kienet matched magħna meta kellha bejn 2 to 3 months u meta morna għaliha kienet 9 to 10 months……
L-Aġenzija Tama kienet ta’ appoġġ kbir tul il-proċess kollu speċjalment meta morna għal Valentina…. Pajjiż li ma tantx tkun taf fuqu aktar u aktar tkun ġo post kemm xejn rimot….…qtajna one way għax ma tkunx taf eżatt l-eżittu kif ukoll hemm ħafna dokumentazzjoni fosthom passaport u visa la darba kollox ikun sew u tkun trid tiġi lura….
Aħna qattajna madwar sitt/seba’ ġimgħat hemmhekk però kienet esperjenza sabiħa għax tkun qed tibda tibbondja mat-tifla….
Kien hemm drabi li kellkom dubji jew biżgħat li ma kienx se jirnexxilkom taslu għal dak li xtaqtu?
Bħal kwalunkwe ħaġa fil-ħajja però speċjalment fil-proċess ta’ adozzjoni, kien hemm ansjetà kif ukoll dawk il-mumenti ta’ biża’….speċjalment meta tkun qed issegwi l-proċess day by day, qiegħdin ‘il bogħod u ma tantx tista’ tagħmel wisq ħlief tistenna…
X’tiftakru mill-mument li finalment mortu għal Valentina?
Determinazzjoni kbira, ħsibijiet u sa ċertu punt ‘stress’ li sejjer pajjiż daqshekk ‘il bogħod u ma tafx jekk hux se tiġi lura biż-żgħira jew le……però kemm jien u kemm Dorianne kellna dik il-paċi u serenità kif ukoll determinazzjoni li ndumu kemm hemm bżonn u niġu lura b’Valentina.
Matul dan kollu, sibtu s-sapport u l-għajnuna li kellkom bżonn?
Ħafna, familja, ħbieb, mill-Appoġġ, li l-ewwel u t-tieni fażi jsiru magħhom però ma nistgħux ma nsemmux l-Aġenzija TAMA speċjalment lil Debbie u Shirley…dawn it-tnejn marru lil hinn mill-ħin u d-dedikazzjoni li jagħtu.
Xi tfisser għalikom it-tifla tagħkom Valentina? U x’differenza għamlet f’ħajjitkom?
Ħajjitna. Imħabba reċiproka u motivazzjoni.
Qalbitilna ħajjitna ta’ taħt fuq, fil-pożittiv ovvjament. Ma nistgħux nimmaġinaw ħajjitna mingħajrha!! Nirringrazzjawha talli aċċettatna…
Kif tqassmu r-responsabilitajiet tagħkom bħala ġenituri? Kif tkun ġurnata tipika tagħkom?
Ix-xogħol tiegħi jirrkjedi ħinijiet twal għalhekk Dorianne avolja taħdem part time, tqatta’ ħafna mill-ħin għat-trobbija ta’ Valentina. Nippruvaw irrabbuha f’ambjent ta’ familja tradizzjonali. Ovvjament Dorianne bħala l-omm tradizjonali tqatta’ aktar ħin magħha. Però, jien nipprova nagħmel il-parti tiegħi ukoll speċjalment fil-weekend meta nitfi l-iswitch u nqatta’ ħafna mill-ħin ma’ Valentina u Dorianne……insibu bilanċ.
Beħsiebkom tkellmu lil Valentina dwar il-ħajja li kellha f’pajjiżha la darba tikber? X’inhuma l-ħsibijiet tagħkom dwar dan?
Fuq dan is-suġġett kien hemm qbil minn qabel bdejna l-proċess, aħna ħa nkunu open ma’ Valentina, pass wara pass……naħsbu li billi nkunu onesti magħha mill-ewwel għax meta tikber żgur tkun hi li tapprezza dan il-proċess kif ukoll dik hi l-verità, allura aħna mrobbijin li nkunu onesti ma’ xulxin, prinċipju li nħaddnu ta’ kuljum.
Bħala ġenituri, x’inhuma x-xewqat tagħkom għal Valentina?
Li jkollha trobbija normali, saħħa, imħabba u edukazzjoni tajba….li tikber kuntenta u li jkollha l-kwalitajiet biex issir indipendenti u tapprezza l-ħajja bħall-ġenituri adottivi tagħha…nisperaw ukoll li d-dinja ta’ għada tkun tista’ tippermetti dawn l-aspetti b’mod aħjar.
X’messaġġ tgħaddu lil dawk kollha li jixtiequ jagħmlu dan il-pass f’ħajjithom?
Għal dawk kollha li forsi bħalissa qed jikkunsidraw dan il-pass, ngħidulhom biex jagħmlu kuraġġ u jħarsu ‘l quddiem b’mod pożittiv. Ma jgħaġġlux għax il-pass hu kbir speċjalment għal koppji li forsi m’għandhomx jew s’issa ma kellhomx ulied naturali. Tridu tkunu preparati għal tibdil fir-rutina, u lesti għas-sagrifiċċji li jġib miegħu t-tkabbir tal-familja..
Però, serħu raskom li finalment hemm l-akbar sodisfazzjon li l-ħajja tista’ tagħtik speċjalment meta tara mħabba reċiproka kif ukoll l-iżvilupp tal-persuna tal-persuna miexja ‘l quddiem.
Kemm hi ħaġa sabiħa meta minn età daqshekk żgħira Valentina tgħajjatlek papà u mamà……emozzjoni li ma’ tistax tiddeskriviha….
We use cookies on our website to give you the most relevant experience by remembering your preferences and repeat visits. By clicking “Accept”, you consent to the use of ALL the cookies.
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
